Castellano
Detalle trámite
O campamento de Nadal é un servizo que ten a función de ofrecerlles ás crianzas un espazo onde participar de actividades de carácter lúdico, social e educativo.
Está dirixido a menores escolarizados entre os 3 e 13 anos de idade, durante os días laborais que van do 23 de decembro ao 7 de xaneiro, ambos os dous incluídos coincidindo coas vacacións de Nadal das crianzas.
Enténdense como persoas usuarias do servizo as/os responsables das rapazas e rapaces (persoa ou persoas que teñan atribuída a patria potestade, tutela ou representación legal, de acordo co Código civil e normativa complementaria) e os propios menores.
Establecerase un prazo de inscrición ata o 4 de decembro. Todas as solicitudes presentadas fóra de prazo irán a unha listaxe de agarda.
As solicitudes deberán ser asinadas pola nai, pai ou titor/a legal do menor e presentaranse no Rexistro Xeral do Concello ou por calquera dos medios previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
- Solicitude de inscrición.
- A fotocopia do documento de identidade do/a menor.
- A fotocopia do documento de identidade da persoa titular da conta.
- De ser o caso, o informe médico que acredite calquera tipo de tratamento especial.
- Tarxeta sanitaria do/a menor.
- Documentación que indique a ocupación dos pais/nais, titores/titoras: certificado de traballo da súa empresa conforme é preciso un servizo de conciliación para as súas crianzas por incompatibilidade cos seus horarios laborais.
Nome: Solicitude de inscrición no Brincanadal 2024-25(campamento de Nadal).
Unidade tramitadora: Xuventude.
Inicio do procedemento: A instancia de parte.
Tipo de interesado: Persoa física.
Órgano de resolución: Alcaldía.
Carácter silencio administrativo: Silencio negativo.
Prazo de execución: 3 meses.
Recurso aplicable: Potestativo de reposición / Contencioso - administrativo.
Taxas/impostos: Consultar a ordenanza fiscal do apartado de normativa.
Canles de atención: Telemático (Iniciar trámite).
Presencial.
