Castellano
Detalle trámite
A escola de música municipal é un servizo que ten a función de ofertar, achegar e promover a aprendizaxe musical tanto para a poboación do Concello da Baña como tamén doutros concellos.
Está dirixido a toda a poboación, a partir dos 3 anos, e desenvolverase durante o curso escolar. A prestación do servizo iniciará e finalizará nas datas iniciadas por resolución de Alcaldía.
Está dirixido a toda a poboación, a partir dos 3 anos, e desenvolverase durante o curso escolar. A prestación do servizo iniciará e finalizará nas datas iniciadas por resolución de Alcaldía.
Como persoas usuarias do servizo ás/ós responsables das rapazas e rapaces (persoa ou persoas que teñan atribuída a patria potestade, tutela ou representación legal, de acordo co Código civil e normativa complementaria), ós propios menores (a partires dos 3 anos) e as persoas maiores de idade que decidan iniciar ou continuar a aprendizaxe musical.
A alta no servizo pódese solicitar cando se inicie o curso escolar, ou con posterioridade, se hai prazas vacantes. A baixa no servizo é libre e pódese presentar en calquera momento por escrito nas oficinas municipais encargadas de supervisar o servizo, que supervisarán a documentación para que a persoa interesada presente a documentación no rexistro de entrada ou a través da sede electrónica, segundo o establecido na convocatoria.
O prazo de inscrición será dende o 11 de agosto de 2023 ata o 31 de maio do 2024.
Todas as solicitudes presentadas fóra de prazo irán a unha listaxe de agarda.
As solicitudes deberán ser asinadas pola nai, pai ou titor/a legal do menor e presentaranse no Rexistro Xeral do Concello ou por calquera dos medios previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Consideraranse admitidos/as todos/as aqueles/as que cumprindo o requisito da idade, acheguen a documentación necesaria e aboen as taxas.
- A fotocopia do documento de identidade do/a menor acompañada do libro de familia ou documento que permita comprobar a identidade da nai, pai ou titor/a legal do menor e a relación co menor.
- De ser o caso, o informe médico que acredite calquera tipo de tratamento especial.
- Tarxeta sanitaria do/da menor.
- Anexo 1 – Ficha de inscrición.
- Anexo 2 – Orde de domiciliación.
- Anexo 3 – Autorización imaxen e son.
- Anexo 4 – Autorización do uso do número telefónico.
Nome: Solicitude de inscrición na Escola de Música Municipal.
Unidade tramitadora: Xuventude.
Inicio do procedemento: A instancia de parte.
Tipo de interesado: Persoa física.
Órgano de resolución: Alcaldía.
Carácter silencio administrativo: Silencio negativo.
Prazo de execución: 3 meses.
Recurso aplicable: Potestativo de reposición / Contencioso - administrativo.
Taxas/impostos: Consultar ordenanzas fiscales do apartado de normativa.
Canles de atención: Telemático (Iniciar trámite) e presencial.
